Plataformas Sanidade

Charla Coloquio sobre a libre elección de hospital

Luns, 21 Novembro 2016 12:18

SOS-Sanidade Pública de Compostela denuncia @s responsables do SERGAS pola mala calidade das agullas de insulina

Martes, 06 Setembro 2016 10:58

A Plataforma SOS-Sanidade Pública de Compostela vai denunciar o vindeiro mércores, 7 de setembro, nos xulgados de Fontiñas, ás 13 h. @s responsables da Consellería de Sanidade da Xunta de Galicia, pola mala calidade das agullas usadas para a inxeccións de insulina, por parte d@s pacientes diabétic@s.

Adxuntaremos á denuncia as Radiografías dunha paciente con 5 agullas no seu abdomen, así como as denuncias d@s doentes, feitas ante a Consellería de Sanidade, ante a Xerencia de Xestión Integrada de Santiago de Compostela e ante a Valedora do Pobo.

Esperamos a vosa presencia para darlle visibilidade a un tema que consideramos da máxima importancia.

Comunicado de prensa da Plataforma A Mariña sobre os atrasos en probas diagnósticas no Hospital da Costa

Mércores, 18 Maio 2016 10:40

A SOLUCIÓN AOS PROBLEMAS NA SANIDADE PÚBLICA NON VIRÁN CON MAIS LADRILLO SENÓN NA DEVOLUCIÓN DA XESTIÓN SANITARIA Á COMARCA E CON PERSOAL SANITARIO PROPIO SUFICIENTE PARA ATENDER A DEMANDA

A PLATAFORMA SÚMASE ÁS CRÍTICAS DO OBSERVATORIO DA MARIÑA POLA IGUALDADE E RECLAMA SOLUCIÓNS PARA OS ATRASOS EN PROBAS DIAGNÓSTICAS NO HOSPITAL DA COSTA

A Plataforma na Defensa da Sanidade pública da Mariña advertiu que os problemas cos retrasos en probas diagnósticas, a falta de persoal, as derivacións de doentes a outros centros fora da comarca, e a saturación nos centros de atención primaria, non van resolverse a golpe de anuncios electoralistas, nin coa ampliación do hospital da Costa e cun gran aparcamento que acabará sendo un negocio para algunha empresa amiga que logre a concesión para xestionalo.

Afirman que o amor do PP co ladrillo e as privatizacións, e o desamor que, unha e outra vez, demostra co mantemento do sistema sanitario público, non augura solucións para dar volta ás asistencias médicas de prestado dende Lugo, á falta de persoal no hospital e nos centros de primaria, á derivación de doentes da comarca a outros centros, aos graves retrasos irresponsábeis nas probas diagnósticas, nin á concepción da asistencia sanitaria na comarca como unha delegación de Lugo, cando debera ter capacidade de xestión propia para decidir en función das necesidades da poboación.

A Plataforma súmase ás críticas feitas públicas polo Observatorio da Mariña pola Igualdade en relación aos graves retrasos nos resultados de citoloxías de colo de útero no Hospital da Costa. A crítica non é nova e persiste no tempo sen que que se dera solución a un problema que pon en grave risco a saúde das mulleres como xa denunciou esta Plataforma fai anos. O problema, afirman, é que non se trata dun retraso puntual senón crónico, e o mesmo sucede con outras probas como recentemente se denunciaba con probas cardíacas, ou a falta de substitución de persoal como sucedeu rcentemente por uns días coa  facultativa de reumatoloxía.

Coa chegada do verán os problemas agrávanse, a pesar do incremento notábel de poboación na comarca, nin se reforza o persoal nos centros de primaria, nin no hospital; moi ao contrario non se fan relevos por vacacións e a carga de traballo aumenta ate extremos insoportábeis no persoal que queda en activo.

Plataforma na Defensa da Sanidade Publica da Mariña

SOS Sanidade Pública de Compostela denuncia que Sanidade prioriza as privatizacións sobre a atención a doentes de cancro

Martes, 03 Maio 2016 14:00

SOS Sanidade Pública de Compostela explica que cando as persoas acoden ao servizo de atención ao doente do CHUS, o que se lle comenta é que o retraso na súa revisión médica e debido á falta de oncólogas/os. “Isto é verdade, xa que nos 4 ou 5 últimos anos non se incorporou ningún/ha  especialista en oncoloxía medica no CHUS, apesares do incremento do número de doentes e da complexidade dos procesos”, afirma  a Plataforma.

 

Programa SILICON de prescrición farmacéutica

Mais agora a atención as/os enfermos oncolóxicos na área de Compostela se deteriora, pola imposición ao profesionais dun programa informático –chamado SILICON- de prescrición farmacéutica, que a Consellaría de Sanidade mercou a un laboratorio privado, e que estaría deseñado para o control de fármacos e facilitar o traballo da farmacia hospitalaria, e non pensado para o persoal facultativo, nin para as/os doentes.

Porén, segundo denuncia a Plataforma SOS Sanidade Pública de Compostela, “este programa o que está a provocar é un aumento do tempo que a/o médico/a ten que dedicar a prescrición farmacéutica, xa que con el se incrementan os erros, en detrimento do tempo que dedican as/os doentes. Agora o persoal facultativo no mesmo tempo de traballo, e por imposición da xerencia, diminúe o número de doentes que atende cada día”.

No SERGAS dende hai moitos anos xa existe un programa de prescrición farmacéutica na atención primaria, feito por traballadoras/es públicos, creado e pensado para facilitar o traballo do persoal facultativo, e mellorar a atención as persoas. Agora, na época das privatizacións masivas, a consellaría de sanidade prioriza as privatizacións sobre as persoas enfermas.

 

SOS Sanidade Pública exixe a retirada inmediata deste programa informático, e que as persoas enfermas de cancro reciban asistencia nos prazos indicados pola/o seu oncóloga/o. Esiximos o incremento de persoal facultativo especialista en oncoloxía na mesma proporción que se incrementaron as/os doentes e a complexidade do proceso.

 

As privatización da prescrición farmacéutica non pode ser a conta da saúde das persoas enfermas de cancro.

14 de abril Concentración SOS Sanidade Pública Compostela

Martes, 05 Abril 2016 11:18

Novo acto informativo sobre vacinas en Santiago

Mércores, 16 Marzo 2016 10:53

Acto Público en Cangas

Luns, 15 Febreiro 2016 11:22

A Plataforma en Defensa da Sanidade Pública de Cangas ten o pracer de convidal@s a participar activamente no acto que terá lugar no Salón de Plenos do Concello de Cangas, o venres 19 de febreiro de 2016, a partir da seis da tarde

Contaremos coa presenza de representantes dos grupos municipáis, tanto do goberno como da oposición, representantes dos grupos parlamentarios autonómicos, membros da Plataforma SOS Sanidade Pública de Galicia (entre outros, Manuel Martín e Jesús Araújo Nores), así como colectivos veciñáis e asoacións adheridas á Plataforma en Defensa da Sanidade Pública de Cangas. 

Neste acto a Plataforma dará a coñecer a actividade levada a cabo no ano 2015 e aproveitaremos para facer unha analise da situación na que se atopa actualmente a sanidade no Morrazo. Ademáis de suxerir e coordinar conxuntamente propostas para este 2016, orientadas a rematar coas deficiencias que estamos a padecer na nosa comarca.

Esperamos contar coa vosa presenza.

Plataforma en Defensa da Sanidade Pública de Cangas
655 082 249

- 607 681 279​

Debate sobre a Sanidade Pública - Ourense

Luns, 30 Novembro 2015 12:44