SOS-Sanidade Pública apoia a manifestación de hoxe a favor d@s enferm@s de Hepatite C

Domingo, 01 Marzo 2015 10:55

A Plataforma SOS Sanidade Pública apoia a manifestación convocada pola Plataforma Galega de Afectados pola Hepatite C para o día 1 de marzo en Santiago de Compostela porque:

- Rexeitamos a política de recortes sanitarios que antepoñen o cumprimento do Plan de Estabilidade Presupuestaria imposto pola Unión Europea para o Rescate Bancario aos gobernos de Mariano Rajoy e Núñez Feijoo, a prol do dereito á atención sanitaria dos enfermos.

- Non aceptamos que o Ministerio de Sanidade, en conivencia coa multinacional GILEAD (relacionada grandes empresas como Bankia, Inditex ou Endesa), fixase un prezo abusivo para o tratamento destes enfermos, que pon en risco a sostenibilidade do Sistema Sanitario Público Galego, que é quen deberá financialo.

- Consideramos que o Goberno do PP pode fabricar este fármaco como un xenérico, infinitamente máis barato, seguindo o exemplo doutros países (India) que gañaron un preito internacional contra a patente deste fármaco por GILEAD. Este fármaco non ten dereito a unha nova patentes porque vén sendo utilizado desde fai anos no tratamento do VIH (SIDA)

- Non aceptamos os criterios das comisións creadas polos gobernos do Partido Popular no Estado e Galicia dado que a maioría dos seus membros teñen conflitos de interese coa industria farmacéutica e o laboratorio GILEAD.