SOS-Sanidade Pública apoia a manifestación do día 22 no Meixoeiro

Martes, 21 Xuño 2016 08:56

A Plataforma SOS Sanidade Pública quere mostrar o seu apoio á manifestación convocada pola Xunta de Persoal e a Plataforma SOS Meixoeiro para do próximo dia 22 de Xuño, que culmina o peche dos traballadores do hospital en demanda de

1.- APERTURA DE TODAS AS CAMAS DE HOSPITALIZACIÓN.

2.- APERTURA DA UNIDADE DE CRÍTICOS.

3.- NIN UNHA DERIVACIÓN Á SANIDADE PRIVADA.

4.- PLAN DE CHOQUE PARA REDUCIR AS LISTAS DE ESPERA

Desde SOS consideramos importante que a cidadanía apoie masivamente esta convocatoria para frear o desmantelamento deste centro hospitalario que forma parte do Complexo Hospitalario Universitario de Vigo.

Os recortes no centro vén agravar os problemas de recursos que padece a área como os recortes de camas e servizos do novo centro hospitalario construído en Valladares e o abandono do proxecto de situar nos Anexos I e II do antigo Hospital Xeral os servizos que Vigo necesita como o Centro de Alta Resolución, Centro e Urxencias Extrahospitalarias dotado adecuadamente, novo centro de Atención Primaria etc.

A manifestación esta convocada para o mércores 22 de xuño ás 20 horas, na entrada do Hospital do Meixoeiro.